Në vendet e Ballkanit, Maqedoninë e Veriut, Shqipëri, Kosovë, Bosnjë e Hercegovinë, Serbi, Mal të Zi dhe Kroaci, u përkujtua me ceremoni 88-vjetori i ndarjes nga jeta të Mustafa Kemal Ataturk, themeluesit të Republikës së Türkiyes.
Në ceremoninë e organizuar në rezidencën e Ambasadës, nën mikpritjen e ambasadorit të Türkiyes në Shkup, Alper Aktaş, morën pjesë përfaqësues të institucioneve dhe organizatave turke në vend.
Pas një minute heshtjeje në orën 09:05 në rezidencën e Ambasadës, u intonua Himni Kombëtar i Türkiyes.
Sekretarja e tretë e ambasadës Elif Sal, në fjalën e saj, tha se 10 nëntori për popullin turk nuk është vetëm dita kur humbi një udhëheqës të madh, por edhe një ditë domethënëse kur kujtohen edhe një herë vlerat e Republikës, idealin e pavarësisë dhe synimin e modernizimit që ai ua besoi.
Shqipëri
Mustafa Kemal Ataturk u përkujtua edhe në kryeqytetin e Shqipërisë, Tiranë, në 88-vjetorin e ndarjes së tij nga jeta.
Në ceremoninë e organizuar nën mikpritjen e ambasadorit të Türkiyes në Tiranë, Barış Ceyhun Erciyes, morën pjesë përfaqësues të institucioneve dhe organizatave turke në vend.
Ceremonia filloi me një minutë heshtjeje dhe këndimin e Himnit Kombëtar të Pavarësisë.
Sekretarja e tretë Burcu Yakıcı, në fjalën e saj, theksoi se Ataturku, si një udhëheqës me mendime përtej kohës së tij, me rëndësinë që i kushtoi arsimit, shkencës, artit dhe kulturës, i tregoi mbarë botës se zhvillimi dhe përparimi janë të mundur jo vetëm përmes fuqisë ekonomike dhe ushtarake, por edhe përmes pasurisë së arsimit, mendimit dhe kulturës.
Kosovë
Ataturku u përkujtua me një ceremoni të organizuar edhe në kryeqytetin e Kosovës, Prishtinë, në 88-vjetorin e ndarjes së tij nga jeta.
Në ceremoninë e organizuar në rezidencën e Ambasadës së Türkiyes në Prishtinë, morën pjesë i Ngarkuari me Punë i Përkohshëm i Ambasadës së Türkiyes në Prishtinë, Babur Hızlan, nënkryetari i Partisë Demokratike Turke të Kosovës (KDTP) dhe zëvendësministri i Mbrojtjes i Kosovës, Enis Kervan, deputetet e KDTP-së, Fatma Taçi dhe Ergul Mazrek, zëvendëskomandanti i Forcës Paqeruajtëse të NATO-s në Kosovë (KFOR), gjeneral brigade Onur Çakici, si dhe përfaqësues të institucioneve turke në Kosovë dhe shumë të ftuar.
Ceremonia filloi me një minutë heshtjeje dhe këndimin e Himnit Kombëtar të Pavarësisë.
Hızlan, në fjalën e tij, tha se Mustafa Kemal Ataturku dhe bashkëluftëtarët e tij i përkujtojnë me respekt, mirënjohje dhe nderim.
Ceremonia përfundoi me një fjalim kushtuar rëndësisë dhe domethënies së kësaj dite.
Ndërkaq, me rastin e 88-vjetorit të ndarjes nga jeta të Udhëheqësit të Madh Mustafa Kemal Ataturk, u organizuan programe përkujtimore edhe në qytetin e Prizrenit.
Bosnjë e Hercegovinë
Në ceremoninë e organizuar në Ambasadën e Türkiyes në Sarajevë, nën mikpritjen e ambasadorit Emin Akseki, morën pjesë shumë punonjës të Ambasadës dhe përfaqësues të institucioneve dhe organizatave turke.
Akseki, në fjalën e tij, tha se Mustafa Kemal Ataturkun e përkujtojnë me respekt dhe mirënjohje, duke theksuar se Ataturku dhe bashkëluftëtarët e tij zhvilluan beteja të mëdha në mbrojtje të atdheut, luajtën një rol të rëndësishëm në fitimin e pavarësisë nga populli turk dhe se është e rëndësishme që trashëgimia e lënë prej tij t'u përcillet brezave të ardhshëm.
Serbi
Pjesëmarrësit në ceremoninë e organizuar në Ambasadën e Türkiyes në Beograd, nën mikpritjen e ambasadorit Ilhan Saygılı, vendosën karafila pranë fotografisë së Ataturkut.
Saygılı tha se e përkujton Ataturkun me respekt, mall dhe mirënjohje, duke shtuar: "Ka udhëheqës që u japin formë vetëm periudhave në të cilat jetojnë, ndërsa ka edhe udhëheqës që i japin formë së ardhmes. Ati ynë ishte njëri prej këtyre udhëheqësve të mëdhenj".
Kroaci
Në ceremoninë e organizuar në kryeqytetin e Kroacisë, Zagreb, nën mikpritjen e ambasadores Nurdan Erpulat Altuntas, morën pjesë ambasadori i Azerbajxhanit në Zagreb, Anar Imanov, përfaqësues të institucioneve dhe organizatave turke, qytetarë, si dhe akademikë dhe studentë nga Departamenti i Turqishtes i Universitetit të Zagrebit.
Ambasadorja Altuntas tha se Ataturku arriti të përfshijë shumë fitore, suksese dhe reforma në jetën e tij të shkurtër, duke shprehur se, pavarësisht se kanë kaluar shumë vite nga vdekja e tij, ai ende kujtohet me dashuri dhe respekt nga të rinjtë.
Mali i Zi
Në ceremoninë e organizuar në Ambasadën e Türkiyes në Podgoricë, nën mikpritjen e ambasadores Ayda Ünlü, morën pjesë përfaqësues të institucioneve dhe organizatave turke, si dhe punonjës të Ambasadës.
Ünlü, në fjalën e saj, tha se përkujtimi i Ataturkut merr vlerë kur shoqërohet me të kuptuarit e tij, duke theksuar se 10 nëntori nuk duhet të shërbejë vetëm për ta përkujtuar Ataturkun, por edhe për të kuptuar idetë dhe luftën e tij.
