Presidenti amerikan Donald Trump deklaroi të enjten se mund t'i duhet të "shkatërrojë pjesën e mbetur" të Iranit, duke shtuar se "do ta merrni vesh së shpejti".

"Tani do të marrim një vendim: A duam të shkojmë më tej dhe thjesht ta certifikojmë, ku me certifikim nënkuptojmë se kjo nuk do të ndodhë më kurrë?", u tha Trump gazetarëve në Zyrën Ovale.

"Do të preferoja të mos e shkatërroja pjesën tjetër të vendit, nëse është e mundur, por ndoshta do të më duhet ta bëj. Dhe do ta merrni vesh së shpejti", tha ai.

Trump u shpreh se, sipas tij, Iranit do t'i duhen 25 vjet për t'u rindërtuar pas luftës amerikano-izraelite kundër këtij vendi, e cila filloi në shkurt dhe ende nuk ka përfunduar.

I pyetur lidhur me raportimet se Irani i ka dërguar ShBA-së një propozim përmes ndërmjetësve për të ardhmen e programit të tij bërthamor si dhe nëse ShBA-ja është e përfshirë në këtë proces, Trump u përgjigj: "Ata nuk bëjnë asgjë pa miratimin tonë".