Poloni: Arrestohet pas tetë vitesh hakeri i përfshirë në ekspozim masiv të të dhënave
Hakeri akuzohet për marrjen dhe zbulimin e paligjshëm të të dhënave dhe ishte përgjegjës për sulmin kibernetik ndaj platformës Morele.net, një treg i njohur elektronik online në Poloni, në vitin 2018.
Autoritetet polake arrestuan një haker 29-vjeçar, përgjegjës për një nga shkeljet më të mëdha të të dhënave në vend në vitin 2018, që preku mbi 2 milionë persona. Ai mund të përballet me deri në dy vjet burgim.
Lajmin e konfirmuan autoritetet të hënën, sipas agjencisë Anadolu. Komandanti Marcin Zagorski, zëdhënës i Byrosë Qendrore për Luftimin e Krimit Kibernetik, bëri të ditur se arrestimi u krye më 30 janar, raportoi transmetuesi TVP World.
“Personi në fjalë është akuzuar dhe ka pranuar veprat penale”, deklaroi Zagorski.
Hakeri akuzohet për marrjen dhe zbulimin e paligjshëm të të dhënave dhe ishte përgjegjës për sulmin kibernetik ndaj platformës Morele.net, një treg i njohur elektronik online në Poloni, në vitin 2018.
Si pasojë e shkeljes, u prekën mbi 2 milionë persona, ndërsa të dhënat e ekspozuara përfshinin emra, detaje kontakti, adresa dhe fjalëkalime të hashuara. Për këto vepra penale, i dyshuari mund të dënohet me deri në dy vjet burgim.