Reporteri i Anadolus mes tre të plagosurve nga shpërthimi i një mine në Siri
Shpërthimi në zonën rurale të Latakias plagosi 3 persona; një ushtar sirian iu nënshtrua amputimit.
Tre persona, përfshirë një reporter freelancer i Agjencisë Anadolu, u plagosën në një shpërthim gjatë një operacioni të ushtrisë siriane për pastrimin e minave në zonën rurale të provincës Latakia.
Shpërthimi ndodhi ndërsa forcat siriane po kryenin operacione çminimi në një zonë fshatare.
Mes të plagosurve ishin reporteri freelancer i Anadolu-s, Sevket Akca, korrespondenti i agjencisë shtetërore siriane SANA, Hasan Hashim, si dhe një ushtar.
Akca pësoi lëndime në kokë pasi u godit nga copëza dhe mbeturina shpërthyese. Ai dhe të plagosurit e tjerë u dërguan në një spital të afërt për trajtim.
Gazetarët nuk ishin në rrezik për jetën, ndërsa ushtari u plagos rëndë dhe humbi njërën këmbë.