Presidenti Erdoğan takohet me familjen e 6-vjeçares Hind Rajab që u vra në sulmin izraelit në Gaza
Gjatë takimit në Kompleksin Presidencial në Ankara, Erdoğan u kushtoi vëmendje të veçantë anëtarëve më të rinj të familjes si dhe zhvilloi video-thirrje me disa anëtarë të familjes.
Presidenti i Türkiyes, Recep Tayyip Erdoğan, priti sot familjen dhe të afërmit e vajzës 6-vjeçare palestineze Hind Rajab, e cila u vra derisa mbeti e bllokuar në një automjet gjatë një sulmi izraelit në Gaza.
Gjatë takimit në Kompleksin Presidencial në Ankara, Erdoğan u kushtoi vëmendje të veçantë anëtarëve më të rinj të familjes si dhe zhvilloi video-thirrje me disa anëtarë të familjes që nuk mundën të merrnin pjesë personalisht.
Ministri turk i Kulturës dhe i Turizmit, Mehmet Nuri Ersoy, ishte gjithashtu i pranishëm në takim.
Rajab u vra së bashku me familjen e saj më 29 janar 2024 kur makina e tyre u godit nga të shtënat izraelite në lagjen Tel al-Hawa të qytetit të Gazës.
Historia e vogëlushes Rajab u përshkrua edhe në filmin "Zëri i Hind Rajab", i cili u shfaq së fundmi në një shfaqje të veçantë në Kompleksin Presidencial, ku morën pjesë anëtarët e familjes së saj.