Platforma amerikane e mediave sociale X u bë përsëri e arritshme në Venezuelë të martën, më shumë se një vit pasi u bllokua nga presidenti i rrëzuar Nicolas Maduro, i cili u kap nga forcat amerikane më 3 janar.

Presidentja e përkohshme Delcy Rodriguez, e cila më parë shërbeu si zëvendëspresidente e Venezuelës përditësoi llogarinë e saj X, duke shkruar: "Ne rifillojmë kontaktin përmes këtij kanali. Venezuela mbetet në këmbë, me forcë dhe vetëdije historike. Le të qëndrojmë të bashkuar duke ecur drejt stabilitetit ekonomik, drejtësisë sociale dhe shtetit të mirëqenies që meritojmë të aspirojmë".

Pas zgjedhjeve të korrikut 2024, Maduro u shpall fitues pavarësisht akuzave për mashtrim zgjedhor ndërsa qeveria e tij pezulloi qasjen në platformën amerikane të mediave sociale në gusht.

Para ndalimit, X ishte platformë kyçe për venezuelianët, por bllokada bëri që ministrat, ligjvënësit dhe agjencitë qeveritare të ndalonin së postuari.

Rodriguez mori drejtimin pasi Maduro dhe gruaja e tij u kapën nga forcat ushtarake amerikane më 3 janar, gjatë një operacioni që la më shumë se 100 të vdekur, sipas shifrave zyrtare.