Qendra e Kërkim-Zhvillimit e Ministrisë së Mbrojtjes Kombëtare të Türkiyes prezantoi raketën balistike ndërkontinentale Yildirimhan në panairin SAHA 2026, duke shënuar daljen e parë publike të njërit prej sistemeve më të avancuara të raketave me rreze të gjatë të vendit.

Raketa ka kapacitet të arrijë shpejtësi deri në Mak 25 dhe ka një rreze të raportuar prej 6.000 kilometrash.

Yildirimhan përdor tetroksid azoti të lëngshëm si karburant dhe fuqizohet nga katër motorë shtytës raketorë.

Sistemi u prezantua gjatë Panairit Ndërkombëtar të Mbrojtjes dhe Hapësirës Ajrore SAHA 2026 në Istanbul, ku kompanitë turke të mbrojtjes dhe institucionet publike po shfaqin platforma dhe teknologji të reja të zhvilluara. Agjencia Anadolu shërben si partner global komunikimi i ngjarjes.

Prezantimi vjen ndërsa Türkiye vazhdon të zgjerojë kapacitetet e saj në industrinë e mbrojtjes, përfshirë sistemet pa pilot, teknologjitë raketore, mbrojtjen ajrore, aviacionin dhe platformat e lidhura me hapësirën.

SAHA 2026, i organizuar nga SAHA Istanbul, bashkon kompani të mbrojtjes dhe hapësirës ajrore, zyrtarë prokurimi, delegacione ushtarake dhe përfaqësues të industrisë nga Türkiye dhe jashtë saj.