Kryeministri kanadez Mark Carney do të zhvillojë vizitë zyrtare në Türkiye më 22-23 tetor me ftesë të presidentit Recep Tayyip Erdoğan, njoftoi sot drejtori i Komunikimeve të Türkiyes, Burhanettin Duran.

Në një deklaratë në platformën e medieve sociale X, Duran tha se vizita do të shënojë një moment historik në marrëdhëniet dypalëshe, ku dy vendet pritet të ngrenë lidhjet e tyre në nivelin e partneritetit strategjik.

Gjatë vizitës, Erdoğan dhe Carney do të shqyrtojnë të gjitha aspektet e bashkëpunimit midis Türkiyes dhe Kanadasë dhe do t'i diskutojnë hapat për të forcuar më tej marrëdhëniet dypalëshe.

Duran tha se udhëheqësit do të shkëmbejnë pikëpamje mbi zhvillimet aktuale rajonale dhe globale. Gjatë vizitës pritet të nënshkruhen edhe disa marrëveshje që mbulojnë fusha të ndryshme të bashkëpunimit dypalësh.