Индискиот премиер Нарендра Моди и американскиот претседател Доналд Трамп се согласиле да одржуваат близок контакт за унапредување на стратешкото партнерство меѓу двете земји, соопшти Њу Делхи, додека министерот за трговија на Индија е во САД каде што преговара за привремен трговски договор.

Во телефонски разговор, Нарендра Моди и Доналд Трамп разговарале за билатералната соработка во трговијата, одбраната, енергетиката и клучните технологии, соопшти кабинетот на индискиот премиер.

Лидерите ја потврдиле својата посветеност на унапредување на сеопфатното глобално стратешко партнерство Индија-САД и се согласиле да одржуваат близок контакт за продлабочување на соработката, се вели во соопштението.

Тие, исто така, размениле мислења за регионалните и меѓународните случувања, вклучително и напорите за промовирање на глобалниот мир и безбедност.

Индискиот министер за трговија Пијуш Гојал е во САД од 29 септември до 5 октомври за да преговара за предложениот билатерален трговски договор и привремен договор.

Индија и САД сè уште не постигнале договор по месеци преговори, а Њу Делхи се обидува да обезбеди поповолни услови во предложениот договор.

Американскиот Конгрес на 17 септември усвои закон за санкции, кој има цел да го ограничи рускиот извоз на нафта и гас, со кој Русија ја финансира својата агресорска војна против Украина. Санкциите првенствено се насочени кон тоа да ги одвратат земјите како Кина и Индија од купување руски енергенси.

Индијасоопшти дека го предупредил Вашингтон оти новите американски тарифи за индиските купувања на руска нафта би можеле да влијаат на билатералните односи.