Американскиот Сенат усвои закон за ставање крај на најдолгото затворање на владата

Американскиот Сенат вчера го усвои законот со кој ќе се стави крај на најдолгото затворање на федералната влада во историјата на САД, кое траеше 41 ден.

Со 60 гласа „за“ и 40 „против“, Сенатот го усвои предлог-законот X.Р.5371 – Законот за континуирани апропријации и продолжувања за 2026 година, со направени измени.

Сенаторите Кетрин Кортез Масто, Дик Дурбин, Џон Фетерман, Меги Хасан, Тим Кејн, Ангус Кинг, Џеки Розен и Џин Шахин се придружија на републиканците во поддршката на мерката.

Републиканскиот сенатор Ренд Пол гласаше против законот.

Горниот дом на Конгресот сега го испраќа законот до Претставничкиот дом за негово конечно одобрување.

Откако започна затворањето на 1 октомври, повеќе од еден милион федерални работници останаа неплатени, додека критичните услуги и бенефиции се нарушени низ целата земја.

Кризата, исто така, предизвика зголемен хаос во воздушниот сообраќај, со повеќе од 1.000 откажувања на летови дневно, зголемувајќи го притисокот врз пратениците да дејствуваат.

„Ќе ја отвориме нашата земја многу брзо“, изјави претседателот Доналд Трамп пред новинарите во Овалната соба по гласањето, нарекувајќи го договорот „многу добар договор“.

Предлог-законот, кој ја финансира владата до јануари и ги обновува клучните програми, вклучувајќи ја и Програмата за дополнителна помош за исхрана (СНAП) за Американците со ниски приходи, сега се упатува кон Претставничкиот дом, кој исто така е контролиран од републиканците.

Откако започна затворањето на 1 октомври, повеќе од еден милион федерални работници останаа неплатени, додека критичните услуги и бенефиции се нарушени низ целата земја.

Кризата, исто така, предизвика зголемен хаос во воздушниот сообраќај, со повеќе од 1.000 откажувања на летови дневно, зголемувајќи го притисокот врз пратениците да дејствуваат.

„Ќе ја отвориме нашата земја многу брзо“, изјави претседателот Доналд Трамп пред новинарите во Овалната соба по гласањето, нарекувајќи го договорот „многу добар договор“.

Предлог-законот, кој ја финансира владата до јануари и ги обновува клучните програми, вклучувајќи ја и Програмата за дополнителна помош за исхрана (SNAP) за Американците со ниски приходи, сега се упатува кон Претставничкиот дом, кој исто така е контролиран од републиканците.

Гласањето би можело да се одржи уште во среда пред мерката да му биде доставена на бирото на Трамп.

„Се чини дека нашиот долг национален кошмар конечно завршува и ние сме благодарни за тоа“, рече претседателот на Претставничкиот дом, Мајк Џонсон.

„Барем некои демократи сега се чини дека се подготвени да го направат она што републиканците, претседателот Трамп и милиони вредни Американци го бараат од нив со недели.“

Во центарот на застојот во Сенатот беше барањето на демократите за продолжување на субвенциите за здравствено осигурување што треба да истечат на крајот од годината.

Републиканците инсистираа преговорите за здравствената заштита да се одржат дури откако владата ќе биде повторно отворена.

Милиони Американци кои се потпираат на покритието „Обамакер“ ќе се соочат со двојно поголеми трошоци ако субвенциите престанат да важат.

Договорот вклучува ветување од страна на лидерите на Сенатот да одржат гласање за законодавството за здравствена заштита, но не гарантира продолжување на субвенциите.

Извор: ТРТ Ворлд и агенции