Турската одбранбена компанија Аселсан во понеделник објави дека добила договор од НАТО за испорака на систем за идентификација „Пријател или непријател“ (ИФФ) за преносливи системи за воздушна одбрана (MAНПAДС).

„Агенцијата за поддршка и набавки на НАТО (НСПА) му додели на Аселсан договор за снабдување на Алијансата со систем за идентификација „Пријател или непријател“ за преносливи системи за воздушна одбрана како дел од својата мисија за обезбедување на спречување на растечките воздушни закани на глобалната сцена“, објавија од Аселсан на турската платформа за социјални медиуми НСосијал (NSosyal).

Компанијата соопшти дека станува збор за тригодишен рамковен договор што обезбедува снабдување со материјал во текот на целиот период.

„АСЕЛСАН, како долгогодишен снабдувач на ИФФ во секоја област и еден од ретките добавувачи на системи ИФФMoдe-5, е исклучително горд што ги нуди своите услуги и поддршка на НСПA“, додадоа од Аселсан.

Компанијата соопшти и дека потпишала меѓународен договор за продажба вреден 171 милион долари со клиент кој работи во Азиско-пацифичкиот регион.

Договорот вклучува извоз на комуникациски системи и товар за беспилотни површински возила, но името на клиентот не беше наведено.

Аселсан, со седиште во турската престолнина Анкара, е основан во 1975 година и прерасна во една од најголемите одбранбени компании во земјата, рангирајќи се меѓу првите 50 во својата област во светот.

Одбранбениот гигант, исто така, овој месец стана првата турска компанија што достигна пазарна вредност од 30 милијарди долари.