Во израелскиот напад врз историската грчка православна црква во која се засолнија раселените цивили во Појасот Газа има мртви и повредени. Министерството за внатрешни работи во Газа објави дека Израел гаѓаше Грчка православна црква во Газа.

Наведено е дека „многумина се убиени и повредени“ како резултат на израелскиот напад врз црквата во која се засолнија стотици раселени Палестинци.

Според вестите на палестинската официјална агенција ВАФА, еднно малолетно девојче загина во напад на Израел врз грчката православна црвка Свети Порфирије, во квартот Аз-Зејтун, на југот на градот Газа.

Во нападот е причинета сериозна штета на историската црква, уништена е и зграда во близина на црквата. Грчката православна црква се наоѓа отприлика 250 метри од баптистичката болница ал-Ахли, која Израел ја бомбардираше на 17 октомври, убивајќи стотици луѓе.

Познато е дека на подрачјето кое Израел го нападна живеат околу 1.000 христијани, а тие чии куќи се уништени се засолнија во црква и нејзините згради поради заштита.