Најмалку пет рудари загинаа кога свлечиште удри во нелегален рудник за злато во покраината Горонтало во Индонезија, објавија локалните медиуми денес, повикувајќи се на полицијата.
Рударите работеле на локацијата во селото Хулава, во регентството Похувато, во среда попладне кога почвата од блиската падина одеднаш се срушила, закопувајќи ги под урнатините, објави „Џакарта Глоуб“.
Портпаролот на полицијата во Горонтало, Марупа Сагала, изјави дека петте жртви биле жители на соседниот регентство Боалемо. Нивните тела биле пронајдени и предадени на нивните семејства.
Спасувачките екипи продолжиле да го пребаруваат местото во четврток за можни дополнителни жртви кои можеби остануваат заробени под урнатините.
Едно лице е спасено живо, според прелиминарните информации.
