Од 1 февруари 2024 година единствената валута што ќе може да се користи за готовински платежни трансакции и во платниот систем во Косово е еврото.
Согласно новата регулатива за готовински трансакции, која беше усвоена од страна на Управниот одбор на Централната банка на Косово на седницата одржана на 27 декември 2023 година и која ќе стапи на сила на 1 февруари, „другите валути кои не се евра може да се се користат во Косово само како вредност за складирање во физичка форма или на банкарски сметки во валути што не се во евра, за извршување на меѓународни плаќања во валути што не се во евра и за девизни активности“.
Исто така, размена на валута може да се врши само преку институции лиценцирани од Централната банка на Косово кои ја нудат оваа услуга.
Српскиот динар до сега се користеше на Косово во областите каде живее мнозинско српско население, кое зема плати, пензии, социјална помош или друг вид на надоместоци од буџетот на Република Србија.
Како што соопшти Централната банка на Косово, целта на новата регулатива е да се подобрат и дефинираат регулаторните стандарди за професионално работење на финансиските институции во областа на готовинското работење, вклучувајќи контрола на количината на пари во оптек, заштита на интегритетот на финансискиот систем, борбата против фалсификуваните пари, заштитата на потрошувачите и борбата против перењето пари, активностите за финансирање на пари и тероризам, како и решавање на други прашања поврзани со делокругот на ЦБК.
Со оваа уредба, меѓу другото, беше утврдена обврската банкарските и небанкарските финансиски институции да се обврзат да го прекинат кружењето на постојната банкнота од 500 евра. Ова не го запира оптекот меѓу странките како законско средство за плаќање, но не се враќа во оптек од финансиските институции кога клиентите ќе го прифатат.
Увоз и извоз на евро банкноти и монети и други валути во Косово може да се врши само за и од банкарски и небанкарски финансиски институции лиценцирани од Централната банка на Косово да вршат финансиски банкарски активности.
За да се спречи внесување на фалсификувани пари, физичките и правните лица кои не вршат финансиски дејности се должни да пријават ковани пари доколку носат повеќе од 100 парчиња/единици, без оглед на паричната вредност.
