Со изборот на професорката Ана Павловска-Данева, Уставниот суд на Република Северна Македонија започна да работи со полн состав со вкупно девет судии.

Професорката од Правниот Факултет Јустинијан Први од Скопје ја презеде функцијата уставен судија и започна со работните обврски.

„Покрај средбата со претседателката на Судот, Добрила Кацарска, судијата Павловска-Данева ги запозна судиите и вработените во службата, по што активно се вклучи во тековните ангажмани и активности во Судот, наведува Уставниот суд во соопштение.

Согласно Уставот, мандатот на Павловска-Данева како уставен судија трае девет години.