На Европа и на САД им е потребна промена на раководството за да заврши руско-украинската војна, изјави унгарскиот премиер Виктор Орбан.

„Нека дојдат политичарите повторно. Нека дојде дипломатијата, нека има прекин на огнот и нека има мировни преговори. За ова се потребни европски парламентарни избори, а во Америка претседателски избори“.

„Ако има нова рака, тогаш новите европски институционални лидери, кои доаѓаат по европските избори кои се залагаат за мир, и поранешниот американски претседател Доналд Трамп кој излезе како победник во Америка, можат да создадат мир заедно, во основа, со американска иницијатива“, рече Орбан во четвртокот на неделениот брифинг на националното радио.

Според Орбан, западните лидери се заглавени во војната во која не може да има победник и на крајот ќе мора да прифатат дека не постои воено решение меѓу Русија и Украина.

„Западњаците ги заглавија нозете во оваа јама. Влегоа во неа и не можат да ја извлечат ногата. Но јавноста ќе ја реши. На крајот даночните обврзиници по некое време ќе прашаат „зошто драг пријателе испраќаш пари во војна каде што тој што го поддржуваш нема шанси да победи?'“

„Ќе дојде тој момент и тогаш лидерите на Западна Европа нема да имаат друг избор освен да смислат некоја причина и да кажат дека сега нема шанси за воено решение“, рече Орбан.

Орбан е првиот европски лидер кој јавно ја поддржа кандидатурата на Трамп на претстојните претседателски избори во САД во ноември 2024 година.

Унгарскиот министер за надворешни работи Петер Сијарто изјави во вторникот дека неговата земја не е подготвена да испрати оружје или војници во Украина.

Забелешките на Сијарто и Орбан уследија по коментарите на францускиот претседател Емануел Макрон велејќи дека распоредувањето на војници во Украина треба да остане на маса.