Центарот за мали планети на Меѓународната астрономска унија во Париз објави дека открил три нови месечини што орбитираат околу ледените џинови на Сончевиот Систем, Уран и Нептун.

Повеќекратните набљудувања и „специјалните техники за обработка на слики“ се клучни за потврдување на постоењето на овие „бледи и далечни“ месечини, соопшти Карнеги Сајанс минатата недела, цитирајќи го астрономот Скот Шепард од Институтот за наука „Карнеги“ во Вашингтон, кој играше водечка улога во користењето на телескопите Магелан во Чиле и соработката со колегите од НАСА и универзитетите.

Уран во 20 години ја доби првата нова месечина

Месечината, со привремено име S/2023 U1, има дијаметар од само 8 километри и потребни ѝ се 680 дена за да направи една орбитира околу Уран, според Карнеги Сајанс, што ги истакнува возбудливите откритија на истражувачите од астрономијата, Земјата и планетарната наука.

Ќе биде именувана по драма на Шекспир, придружувајќи им се на месечините како Оберон, Титанија и Ариел, додаде институтот.

Кај Нептун откриени две нови месечини

Се истакнува дека S/2002 N5, посветлата од двете месечини, има дијаметар околу 23 километри и потребни ѝ се речиси девет години за една орбита околу Нептун.

Побледата месечина, S/2021 N1, има дијаметар од околу 14 километри и потребни ѝ се речиси 27 години за да комплетира едно орбитирање.

Овие две месечини, според Карнеги Сајанс, ќе добијат грчки митолошки имиња, слични на постојните месечини на Нептун.

Нивните орбити и позиции укажуваат на тоа дека можеби се фрагменти од поголеми месечини скршени од судири во раниот период на Сончевиот Систем.

Овие откритија одат во прилог на доказите за слични групирања на месечини околу сите четири џиновски планети, поддржувајќи ја теоријата на судири за еволуцијата на Сончевиот Систем.

Овие откритија ги отвораат вратите за понатамошно истражување и разбирање на формирањето и историјата на Сончевиот Систем.