Турскиот министер за надворешни работи Хакан Фидан изјави дека на овогодинешниот Дипломатски форум во Анталија (АДФ) се разоткриени двојните стандарди на некои меѓународни актери за различни прашања и нивното занемарување на меѓународното право, јавува Анадолу.

Говорејќи на церемонијата на затворање на форумот, кој се одржа во јужна Туркије овој викенд, министерот Фидан рече дека во тек се „сериозни напори за постигнување прекин на огнот во Појасот Газа пред муслиманскиот свет месец Рамазан“.

„Туркије ги поддржува ставовите дека постојните практики на меѓународната заедница во однос на Газа сега треба да се остават настрана во корист на преземање еднострани дејствија“, истакна Фидан и додаде:

„На овогодинешниот Дипломатски форум во Анталија се разоткриени двојните стандарди на некои меѓународни актери по различни прашања и нивното занемарување на меѓународното право.“

Фидан додаде дека на овогодинешниот Дипломатски форум во Анталија учествувале 4.700 гости од 148 земји.