Израелски воени авиони бомбардираа масовна гробница во бегалскиот камп Џабалија во северниот дел на Појасот Газа, каде што беа погребани телата на стотици Палестинци претходно убиени во израелските напади.

Ахмед ал-Кахлут, шеф на единицата за цивилна одбрана во северна Газа, изјави за Анадолу дека телата биле исфрлени на површината на земјата како резултат на бомбардирањето.

Според него, екипите на цивилната одбрана вложиле големи напори за повторно закопување на телата.

Неможејќи да најдат места за гробовите за да ги закопаат илјадниците Палестинци убиени во повеќемесечниот масакр, жителите на Газа се принудени да ги закопаат своите најблиски во масовни гробници.

Палестинското Министерство за здравство во неделата објави дека бројот на загинати во израелските напади врз Газа достигна 30.410.

На 26 јануари, Меѓународниот суд на правдата пресуди дека Израел мора да се воздржи од какви било активности поврзани со убивање, напад и уништување на жителите на Појасот Газа и да ги преземе сите мерки за да го спречи геноцидот, по барањето за геноцид поднесено од Јужноафриканската Република.