Италијански фудбалски навивач е приведен во Германија поради „поздрав на Хитлер“.

Полицијата во Минхен соопшти дека 18-годишникот бил приведен поради давање фашистички поздрав во ресторан и бил казнет пред да биде ослободен.

Полицијата врши дополнителни истраги.

Италијанскиот весник „Ла Република“ објави дека многу навивачи на Лацио пееле фашистичка песна во пивницата Хофбраухаус во Минхен.

Во видеото што го објави весникот, може да се забележи како фановите ја завршуваат песната извикувајќи „Duce! Duce! Duce!“ во врска со италијанскиот диктатор Бенито Мусолини, сојузник на Хитлер, и се забележува дека даваат фашистички поздрави.

Инцидентот се случи пред осминафиналниот натпревар на италијанскиот клуб во Лигата на шампионите против Баерн Минхен.

Хофбраухаус е позната и популарна минхенска пивница каде Адолф Хитлер ја основал нацистичката партија со говор во 1920 година.

Лацио го доби првиот натпревар со 1:0, а беше одигран во Рим.