Рускиот претседател Владимир Путин денеска во Сочи се сретна со директорот на Меѓународната агенција за атомска енергија (МААЕ), Рафаел Маријано Гроси.

За време на отворениот дел со Гроси, Путин рече дека Русија ги презела сите неопходни чекори за безбедноста на нуклеарните капацитети.

Наведувајќи дека е подготвен да разговара за сите прашања на средбата во Сочи, Путин нагласи дека Русија има блиска соработка со МААЕ во многу области и ќе продолжи да го прави тоа.

Гроси, пак, рече дека на дневниот ред има чувствителни прашања и дека неговата средба со Путин е важна во однос на разговорите на тие теми.