Израелскиот премиер Бенјамин Нетанјаху изјави дека не се согласува со американскиот претседател Џо Бајден и тврди дека разликата во мислењата меѓу Соединетите Американски Држави и Израел не им помага на нивните напади во Газа.

Нетанјаху гостуваше во американската телевизија „Фокс њуз“ и даде свое видување за израелските напади во Газа и односите со САД.

Потсетувајќи на зборовите на американскиот претседател Бајден дека Рафа е црвена линија за него, Нетанјаху истакна дека во Рафа има членови на Хамас и тие се договориле со Бајден да го уништат Хамас.

„Имаме договори за клучните цели, но има и несогласувања. На крајот, Израел е тој што мора да одлучи“, рече Нетанјаху.

Истакнувајќи дека САД и Израел ќе бидат обединети за да им помогнат на нападите на неговата земја во Газа, Нетанјаху рече: „Не помага тоа што Хамас верува дека постои разлика во мислењето меѓу нас.

Американскиот претседател Бајден во интервју пред два дена рече дека Нетанјаху сега му нанел повеќе штета отколку корист на Израел и дека одговорноста на израелскиот премиер за нападите во Газа и над 30.000 цивили убиени во тие напади е тешка.

Бајден нагласи дека бројот на загинати во Газа е многу голем и дека владата на Нетанјаху треба сериозно да се фокусира на тоа како да не се таргетираат животи на цивили.