Израелската армија погоди магацин за дистрибуција на хуманитарна помош во Појасот Газа, при што загинаа осум лица, а многу други се повредени.

Во нападот е предизвикана хуманитарна катастрофа, оставајќи ги луѓето гладни и жедни. Израелски воени авиони бомбардираа магацин за дистрибуција на помош во бегалскиот камп Нусајрат, во централниот дел на Појасот Газа, јави палестинската агенција ВАФА.

Покрај тоа, израелски воени авиони бомбардираа куќа во бегалскиот камп Шати, западно од градот Газа.

Од друга страна, палестинската Црвена полумесечина соопшти дека телата на 15 лица се пронајдени во регионот Хамед во градот Кан Јунис, од каде израелската армија делумно се повлече, на југот од Појасот Газа.

Соопштено е дека телата се префрлени во болницата на Мачениците од Акса во градот Деир ал Белах.

Во израелските напади врз Појасот Газа од 7 октомври загинаа 31.341 Палестинец, меѓу кои најмалку 13.500 деца и 9.000 жени, а беа повредени 73.134 луѓе.

Се наведува дека под урнатините се уште има илјадници мртви, во нападите на израелската армија се уништува и цивилната инфраструктура, на мета се болници и образовни институции каде што луѓето се засолниле.