Палестинското Министерство за здравство во Газа ги повика Обединетите нации (ОН) и сите меѓународни институции да го запрат масакрот на израелските сили врз пациенти, повредени, бегалци и медицински персонал во болницата Ал-Шифа.

Министерството за здравство издаде соопштение во врска со смртта и повредите на многу Палестинци откако израелските војници упаднаа во болницата Ал-Шифа во градот Газа.

Тие истакнаа дека има пожар на влезот на болницата Ал-Шифа, дека комуникацијата е прекината, а голем број бегалци се заробени во зградата во која се наоѓаат операционите сали и итната медицинска помош.

Тие потврдија дека голем број Палестинци се убиени, а некои се ранети.

Во соопштението се посочува дека израелските сили уште еднаш извршиле масакр во болницата Ал-Шифа.

Беше упатен повик до ОН и до сите меѓународни институции да го запрат израелскиот масакр на пациенти, повредени, бегалци и медицински персонал во болницата Ал-Шифа.