Турската агенција за соработка и координација (ТИКА) обезбеди 25 тони помош која се состои од основни прехранбени производи за Појасот Газа, кој е под интензивни напади на Израел од 7 октомври 2023 година.
Додека хуманитарната криза се влошува од ден на ден во блокираната Газа, ТИКА продолжува со напорите за помош за време на светиот месец Рамазан.
Од почетокот на конфликтот, ТИКА обезбедува помош во форма на храна, лекови и материјали за засолниште во регионот.
По повод месецот на постот Рамазан, ТИКА започна со дистрибуција на пакети со храна за 2.500 раселени семејства во Појасот Газа.
Пакетите со храна, вкупно приближно 25 тони, содржат производи како што се масло за јадење, ориз, доматно пире, грав, хумус, леќа, тестенини, конзервирано месо и риба, и се доставуваат до луѓето во Деир ел-Балах, Рафа и Аз-Завејда, кои се наоѓаат во Појасот Газа.
