Повеќе од 100 луѓе загинаа, а десетици се повредени во израелските напади врз Палестинците кои собираа хуманитарна помош во Појасот Газа во изминатата недела, објави во средата Канцеларијата за медиуми на Владата во Газа.

„Израелската окупација се обидува да ја задржи политиката на гладување и да го продлабочи гладот ​​во Газа и покрај предупредувањата на меѓународните организации и институции“, соопшти канцеларијата.

Предупредено е дека израелските напади врз гладните Палестинци имаат за цел ширење хаос и несигурност во блокираната енклава.

Палестинскиот хуманитарец и директор на Канцеларијата за вонредни состојби во Западна Газа, Амџад Хаат, беше убиен вчера во израелски воздушен напад врз градот Газа.

Неименувани медицински извори соопштија дека во тој напад загинале најмалку 23 Палестинци, а цел на израелските бомбардирања биле група луѓе собрани на „кувајтската раскрсницз“ во Газа за да организираат дистрибуција на хуманитарна помош.

Во понеделникот, израелските сили го убиле Фаек ал-Мабхух, шефот на полициските операции во Газа, за време на рацијата на болницата Ал-Шифа во градот Газа.

Ал-Мабхух беше одговорен за координирање на влезот на хуманитарна помош со Агенцијата на Обединетите нации за бегалци (УНРВА) во северниот дел на Појасот Газа.

Израел, обвинет за геноцид, почна со напади врз Појасот Газа по 7 октомври минатата година и прекуграничниот напад на Хамас.

Досега се убиени 31.923 Палестинци, додека 74.096 се повредени.

На 26 јануари, Меѓународниот суд на правдата пресуди дека Израел мора да се воздржи од какви било активности поврзани со убивање, напад и уништување на жителите на Појасот Газа и да ги преземе сите мерки за да го спречи геноцидот, по тужбата за геноцид поднесена од Јужноафриканска Република.

Според Обединетите нации, поради израелската офанзива, 85 отсто од населението на Појасот Газа е внатрешно раселено и се соочува со акутен недостиг на храна, чиста вода и лекови, додека 60 отсто од инфраструктурата на енклавата е оштетена или уништена.