Повеќе од 1,6 милиони натпреварувачи се пријавија за учество на технолошките натпревари на ТЕХНОФЕСТ, турскиот фестивал за аеронаутика и технологија.

„Продолжуваме да уриваме рекорди. Оваа година на ТЕХНОФЕСТ 2024 година ќе се натпреваруваат 1.630.000 натпреварувачи за производство на технологии на иднината“, објави ТЕХНОФЕСТ на социјалната мрежа Х.

Годинава десеттиот ТЕХНОФЕСТ ќе се одржи во јужната турска област Адана.

Цел на фестивалот е да се зголеми интересот на младите за производство и развој на национална технологија и да се поддржат проектите на илјадници млади луѓе што работат на овие полиња.

ТЕХНОФЕСТ, кој беше домаќин на околу 10 милиони посетители од својата прва година, за шест години одржа девет фестивали.

Датумот на одржување на фестивалот ќе биде објавен наредните денови.