Високиот претставник во Босна и Херцеговина, Кристијан Шмит, денеска воведе технички измени во Изборниот закон во Босна и Херцеговина кои се однесуваат на интегритетот на изборниот процес.
Техничките промени подразбираат дека Централната изборна комисија на Босна и Херцеговина (ЦИК) назначува претседатели на избирачките одбори, воведување скенери, идентификација на гласачите и видео надзор.
„Гласачите не можат дај чекаат да видат дали ќе има договор меѓу партиите за 10 или 15 години. Би бил посреќен ако најдевме одредена можност за промена на законот директно од одговорните партии, односно владата и парламентот. Граѓаните имаат право нивниот глас сигурно да им се брои. Измените може да бидат предмет на нови промени во Парламентот“, рече Шмит во обраќањето до јавноста.
Тој посочи дека неговиот став ќе биде минато еден ден кога Босна и Херцеговина ќе стане дел од Европската унија.
„Денеска ќе го направам она што требаше да се направи пред многу години. Сакам да ја објавам одлуката со која ќе направам измени во Изборниот закон на БиХ во согласност со мојот мандат. Ова го правам за сите граѓани на Босна и Херцеговина“, рече Шмит.
Тој нагласи дека најважно е граѓаните на БиХ да излезат на избори и да гласаат без разлика на националноста.
„Не им се обраќам на партиите и политичарите, туку на граѓаните и гласачите на оваа држава. Сакам да подвлечам дека им се обраќам на граѓаните на Босна и Херцеговина, на луѓето од двата ентитета и на округот Брчко. Тука нема дискриминација и нема да има додека сум јас овде. Им се обраќам на граѓаните на БиХ, јас сум гарант за постоењето и на РС и на ФБиХ и тоа е моја должност согласно Дејтонскиот договор. Кој треба да излезе и да гласа за Парламентот? Тоа се сите граѓани на оваа земја, без разлика на нивната националност“, рече Шмит.
Тој изјави дека измените стапуваат на сила по објавувањето на веб-страницата на Канцеларијата на Високиот претставник (ОХР).
„Мислам дека некои може да се жалат, кои не сакаат да ги прифатат основите. Гласачките ливчиња ќе се скенираат и пребројуваат, а со тоа ќе се спречи каква било промена на гласачките ливчиња или да излезат од кутијата со поинаков резултат“, рече Шмит и додаде:
„Ова се јасни меѓународни насоки и мислам дека треба да има доволно можност одговорните домашни власти да се вклучат во ова и да го направат вистинскиот баланс во интерес на гласачите“.
Како што рече, граѓаните на БиХ имаат право правилно да им се преброи гласот.
„Изборите се одржуваат во интерес на народот. Мораме да се грижиме тие да се организираат на вистински начин и да се спроведат правилно. Граѓаните мора да бидат сигурни дека политичарите мора да носат важни одлуки. Тие се избрани од гласачите и ние мора да се погрижиме дека гласовите што гласачите го добиваат правилно ги пребројуваат“, рече Шмит.
