Срамно и скандалозно за западните демократии е тоа што екстремно десничарските движења во некои европски земји добиваат државна поддршка, изјави денеска турскиот претседател Реџеп Таип Ердоган, во говорот на работилницата за градење капацитети и обука на Меѓународната демократска унија во Анкара.

„Трагедија е фактот што екстремно десничарските движења се поддржани од самата држава во некои европски земји. Денес, неонацистичкиот тероризам поттикнат од омраза против Турците и муслиманите (народот) достигна нивоа кои се закануваат по животите и имотот на нашиот народ“, додаде Ердоган.

Тој нагласи дека Туркије не може да молчи пред гнасните чинови на расистички тероризам, посочувајќи на убиството на десетици турски државјани во странство.

Жалејќи се дека на случаите на исламофобични и расистички напади не им се дава истото значење како на антисемитските дејствија, тој рече дека надлежните за човекови права гледале како 35.000 Палестинци, вклучително и 15.000 деца, ги губат своите животи.

Речиси ниту еден западен лидер не одговори на оваа бруталност, освен неколку совесни државници. Не се појави храбра душа да му каже на Израел: „Доста е“, рече турскиот лидер.

Потврдувајќи ја посветеноста на Туркије да го задржи вниманието на израелскиот геноцид врз народот на Газа и покрај притисокот од глобалното ционистичко лоби, тој истакна дека не е случајно што од неодамна има зголемување на кампањите насочени кон земјата.

„Овие кампањи имаат само една цел: да не замолчат нас и Туркије. Анкара внимателно ја следи лицемерната политика на западните лидери кои и држат лекции на земјата за демократијата и слободата. Туркије го отфрла антисемитизмот на ист начин како што се спротивставува на исламофобијата, ксенофобијата и сите форми на културен расизам “, рече Ердоган, укажувајќи на молкот на овие лидери за израелските „масакри“ во Газа.