Поранешниот претседател на ФИФА, Сеп Блатер, остро го критикуваше сегашниот прв човек на светскиот фудбал, Џани Инфантино.

Според Блатер, сегашниот шеф на организацијата концентрирал апсолутна моќ во свои раце, ефикасно исклучувајќи ги колективните тела од процесот на донесување одлуки.

„Која е ФИФА денес? Таа се состои само од нејзиниот претседател, Инфантино. ФИФА е диктатура! Советот на ФИФА, кој има речиси 40 членови, не одлучува за ништо“, изјави Блатер.

Поранешниот шеф на Светската фудбалска асоцијација, исто така, го спореди стилот на лидерство на Инфантино со оној на францускиот монарх.

Тој владее како Кралот Сонце (прекар за кралот Луј XIV од Франција). Слушнав од луѓе во ФИФА дека не сака да биде поздравен кога се појавува во седиштето, додаде Блатер.

Инфантино е претседател на ФИФА од 2016 година.