Американскиот претседател Џо Бајден изјави дека постојат сите причини да се заклучи дека израелскиот премиер Бенјамин Нетанјаху ја продолжува војната во Газа за сопствената политичка иднина.

За време на интервјуто за магазинот „Тајм“, Бајден беше запрашан дали верува дека некои од сугестиите дека Нетанјаху ја продолжува војната за доброто на сопствената политичка иднина се оправдани.

„Нема да го коментирам тоа. Постојат сите причини луѓето да го извлечат тој заклучок“, одговори американскиот претседател.

Израел ја продолжува својата брутална офанзива врз Појасот Газа по нападот на Хамас на 7 октомври и покрај резолуцијата на Советот за безбедност на Обединетите нации со која се бара итен прекин на огнот.

Оттогаш, повеќе од 36.500 Палестинци се убиени во Газа, огромно мнозинство жени и деца, а повеќе од 82.600 се повредени, според локалните здравствени власти.

Израел е обвинет за геноцид пред Меѓународниот суд на правдата (МСП), кој во својата последна одлука му нареди на Тел Авив веднаш да ја прекине операцијата во Рафах, каде што повеќе од еден милион Палестинци побараа засолниште од војната.