Украинскиот претседател Володимир Зеленскиј изјави дека следните недели ќе одредат како ќе се одвива летото и остатокот од годината во однос на војната со Русија, мировниот самит во Швајцарија и односите со ЕУ.

„Денеска дадов неколку упатства за подготовките за следните состаноци на Штабот и за одлуките. Ги гледаме заканите што постојат... На почетокот на јуни сме, но ова се неделите што ќе го одредат целото лето и, на многу начини, целата година“, рече Зеленски во видео-обраќањето.

Во врска со претстојниот мировен самит за Украина во Швајцарија, односите со ЕУ и ситуацијата на првите линии во војната со Русија и домашното производство, тој рече дека неговата влада прави се за да постигне позитивни резултати.

„Благодарен сум на сите што помогнаа! Благодарен сум на сите што прават се што е можно за да се осигура дека оваа војна ќе заврши на начин што е праведен кон Украина“, рече тој.

Претседателот, исто така, зборуваше за извештаите од фронтот од военото раководство на Украина и владините извештаи за енергетскиот сектор, како и за производство и набавка на беспилотни летала.

„Ова е област каде што мора постојано да ја зголемуваме количината. Во оваа војна, докажано е – а особено од нашите воини – дека беспилотните летала можат да обезбедат предност и да помогнат да се врати иницијативата“ укажа Зеленски.