Либанската армија во средата соопшти дека вооружен маж отворил оган врз зградата на Амбасадата на САД во Бејрут.

Армијата соопшти дека возвратила, при што напаѓачот бил ранет, а либанските сили го уапсиле.

Соопштено е и дека осомничениот сириски државјанин е префрлен во болница и дека истрагата е во тек.

Американската амбасада во Бејрут потврди дека се случил инцидентот, наведувајќи дека објектот и тимот на амбасадата се безбедни.

„Истрагата е во тек и ние сме во близок контакт со органите на прогонот на земјата домаќин“, соопштија од Амбасадата.