Турскиот претседател Реџеп Таип Ердоган денеска изјави дека реагирањето на ситуацијата во Појасот Газа, каде Израел од октомври минатата година уби повеќе од 36.000 луѓе е „наша хуманитарна должност“.

„Наша хуманитарна должност е кон палестинскиот народ да реагира на оваа луда ситуација, која ја става на тест нашата хуманост и нашата вера. Гледаме дека оние кои со години ни држат предавања за слободата на печатот молчат во врска со инцидентите што се случуваат на окупираната палестинска територија“, рече Ердоган во обраќањето на 8-та церемонија на доделувањето на наградите Анадолија за медиуми во Анкара.

Според Ердоган оние кои се прават глуви, неми и слепи за геноцидот денес нема да можат да ја избришат оваа црна дамка до крајот на својот живот.

Турскиот претседател ги пофали турската новинска агенција Анадолу и јавниот радиодифузен сервис ТРТ за нивното покривање на конфликтот во Газа, блокираната енклава од 2,3 милиони луѓе која е претворена во урнатини.

„Нашата агенција Анадолу и ТРТ, со нивниот храбар персонал на терен, му ги пренесе на целиот свет мрачните злосторства извршени во Газа. Кога се залагаме за нашите палестински браќа и сестри, се залагаме за човештвото како целина, за слободата, правдата и мирот “, рече Ердоган.