Најмалку 39 Палестинци загинаа во четвртокот во напад на израелски авиони врз училиште во кое илјадници раселени лица најдоа привремено сместување во централниот дел на Појасот Газа, потврдија локалните власти.

Владата во Газа објави дека десетици Палестинци се повредени во напад на израелски авиони врз училиште со кое раководи агенцијата на ОН за палестински бегалци (УНРВА) во бегалскиот камп Нусејрат.

Тие додаваат дека несовесните израелски масакри во Газа се доказ за продолжување на геноцидот врз раселените Палестинци.

Официјални лица од болницата Ал-Акса соопштија дека најмалку 39 лица загинале, а десетици се повредени. Бројот на жртви може да се зголеми, бидејќи жртвите се уште пристигнуваат во болницата.

Израелската армија го потврди нападот на училиштето, тврдејќи дека таму се кријат борци на Хамас.

Израел ја продолжува својата брутална офанзива врз Појасот Газа и покрај резолуцијата на Советот за безбедност на Обединетите нации со која се бара итен прекин на огнот.

Израел беше обвинет за геноцид пред Меѓународниот суд на правдата (МСП), кој во својата последна одлука му нареди на Тел Авив веднаш да ја прекине операцијата во Рафах, каде што повеќе од милион Палестинци побараа засолниште од војната.