Германската владејачка партија СПД на актуелниот канцелар Олаф Шолц не размислува за одржување на предвремени парламентарни избори откако оствари слаби резултати за изборите на европско ниво.
„Редовниот датум за избори е следната есен. И тоа е она што планираме да го направиме“, рече Штефен Хебестрајт во понеделникот на владината прес-конференција.
Коалицијата на Шолц доживеа тежок пораз на европските избори во неделата, при што сите три партии во неговата влада заостануваат зад конзервативците и екстремната десница, покажаа прелиминарните резултати.
Социјалдемократите (СПД) на канцеларот Шолц го постигнаа својот најлош резултат во историјата со 14 отсто, трети зад крајната десница АфД со околу 16 отсто и далеку зад конзервативниот блок ЦДУ-ЦСУ со 30 отсто. Зелените забележаа 12 отсто, додека либералната ФДП пет отсто.
Резултатот предизвика повици од опозициските партии Шолц да го следи водството на францускиот претседател Емануел Макрон и да распише предвремени избори.
