Министерот за надворешни работи на Туркије Хакан Фидан во понеделникот се сретна со секретарот на Советот за безбедност на Русија Сергеј Шојгу во Москва, соопшти Министерството за надворешни работи во кусото соопштение.

Дополнителни детали не беа дадени официјално, но турски дипломатски извори информираат дека Фидан и поранешниот министер за одбрана на Русија, разговарале за ситуацијата во Газа, Сирија и тековните преговори за мировен договор меѓу Азербејџан и Ерменија.

Двајцата разговарале и за случувањата во Украина, додаваат изворите.

Претходно истиот ден, Фидан се сретна со делегација на Ахиска Турците во главниот град. Тој престојува во Русија за дводневниот состанок на блокот на економии во развој БРИКС.

Сесијата го означува првиот собир откако групата се прошири од пет на девет члена во јануари со додавање на Египет, Етиопија, Иран и Обединетите Арапски Емирати како официјални членови.

На проширениот формат на состанокот беа поканети уште 15 земји, вклучително и Туркије.