Најмалку 37.266 Палестинци се убиени во израелската офанзива врз Појасот Газа од 7 октомври минатата година, објави во петокот Министерството за здравство во опколената енклава.

Во соопштението на министерството се наведува дека во нападите се повредени уште 85.102 лица.

Посочено е дека во израелските напади во Појасот Газа во последните десет дена загинале 716 Палестинци, а 2.149 се ранети.

Во израелските напади во последните 24 часа загинаа 34 лица, а 71 беа повредени“, се наведува во соопштението.

Се додава дека многу луѓе се уште се заробени под урнатините бидејќи спасувачите не можат да стигнат до нив.

Израел ја продолжува својата брутална офанзива врз Појасот Газа и покрај резолуцијата на Советот за безбедност на Обединетите нации со која се бара итен прекин на огнот.

Израел беше обвинет за геноцид пред Меѓународниот суд на правдата (МСП), кој во својата последна одлука му нареди на Тел Авив веднаш да ја прекине операцијата во Рафах, каде што повеќе од милион Палестинци побараа засолниште од војната.