Околу 7.000 луѓе ќе бидат евакуирани поради брзото ширење на шумски пожар во американската сојузна држава Ново Мексико.

Според информативниот канал „Коат“ со седиште во Ново Мексико, пожарот што избувна во шумската област на селото Руидосо брзо се проширил.

Властите побараа од 7.000 луѓе да ги напуштат домовите без да ги земат своите работи.

Поради пожарот, кој зафати површина од околу пет квадратни километри, од безбедносни причини е исклучена струјата во дел од селото.

Многу центри за евакуација беа формирани во градот Розвел, кој е оддалечен 121 километар од селото.

За селото Руидосо и околината е издадено предупредување за „лош квалитет на воздухот“ поради чад од пожарот.