Преминот Рафах во јужниот дел на Појасот Газа повеќе не е употреблив откако израелската армија целосно ја уништи нејзината палестинска страна, објави во средата израелското армиско радио.
Видеото објавено од радиото на социјалната мрежа Х покажува големо уништување предизвикано од израелската армија на преминот, при што се чини дека главната сала е целосно израмнета, а околните згради се урнале.
„Вака денес изгледа преминот Рафах, целосно уништен и веќе не може да се користи, откако за една ноќ го презеде бригадата 401“, соопшти радио станицата, додавајќи: „Поради неговата релативна близина до границата, Израелската армија го користеше преминот како место за застанување и одмор“.
Израелската армија ја презеде контролата врз преминот на 7 мај, еден ден откако Тел Авив објави воена операција во градот Рафах, кој беше преполн со раселени луѓе, и покрај меѓународните предупредувања за последиците.
Радиото наведува и дека армијата „ефикасно го контролира“ коридорот Филаделфија долж границата меѓу Газа и Египет.
„Израелската армија веќе почна да размислува за долгорочна контрола на коридорот Филаделфија“, се вели во соопштението.
На видеото се гледа како израелски булдожер урива зграда во близина на коридорот Филаделфија и шаторите од кои раселените Палестинци мораа итно да ги напуштат пред израелскиот напад на Рафах. „
Ова е потсетник на она што беше во Рафах пред да влезе израелската армија во областа: шатори за раселените луѓе и бегалците, кои сега се целосно празни“, се вели во соопштението.
Во врска со актуелните битки, радиото објави дека израелските војници „се соочуваат со голем предизвик во Рафах, односно минирани згради“.
Прекршувајќи ја резолуцијата на Советот за безбедност на Обединетите нации со која се бара итен прекин на огнот, Израел се соочи со меѓународна осуда поради неговата континуирана брутална офанзива врз Појасот Газа од 7 октомври 2023 година.
Во израелските напади врз Појасот Газа од октомври минатата година, загинаа 37.396 Палестинци, главно жени и деца.
Израел е обвинет за геноцид пред Меѓународниот суд на правдата (МСП), кој во својата последна одлука му нареди на Тел Авив веднаш да ја прекине операцијата во Рафах, каде што повеќе од еден милион Палестинци побараа засолниште од војната.
