Зајакнувањето на сеопфатното стратешко партнерство со Виетнам е меѓу нашите приоритети, изјави денеска рускиот претседател Владимир Путин по средбата во Ханој со виетнамскиот колега То Лам. Путин потсети дека договорот за пријателство меѓу Русија и Виетнам е потпишан пред 30 години.
Потенцирајќи дека односите на полето на економијата и трговијата се подобрени, рускиот претседател рече дека обемот на билатералната трговија минатата година се зголемил за осум отсто.
„Русија му придава значење на развојот на дијалогот со Асоцијацијата на нациите од Југоисточна Азија - АСЕАН, чиј Виетнам е една од водечките членки“, изјави Путин.
Виетнамскиот претседател Лам исто така нагласи дека Виетнам води независна, мирна и разновидна надворешна политика и дека придаваат значење на развојот на односите и сеопфатното стратешко партнерство со Русија.
„Не забораваме дека рускиот народ не поддржуваше во нашата борба за независност во минатото, во градењето на нашата земја, како и во оваа фаза на развој. Русија ја сметаме за еден од приоритетите на надворешната политика на Виетнам“, рече Лам.
