Франција, Германија и Полска денеска ветија континуирана поддршка за Украина.Министрите за одбрана на трите земји, односно Себастиен Лекорну, Борис Писториус и Владислав Косињак-Камиш, во Париз разговараа за глобалните и европските безбедносни и одбранбени прашања, вклучително и војната во Украина и претстојниот Самит на НАТО во Вашингтон.
Сите министри ветија дека ќе продолжат да ја поддржуваат Украина.
Лекорну ја критикуваше Русија за нуклеарна уцена како дел од нејзината стратегија за заплашување.
Самитот на НАТО во Вашингтон според Писториус ќе биде можност членките на НАТО да покажат колку се обединети.
Косињак-Камиш најави дека Франција, Германија и Полска ќе изведат вежба во 2025 година на полска територија.
Тој, исто така, ги повика сите сојузници на НАТО да ја исполнат целта трошоци за одбрана од 2 отсто. Полска според него веќе издвојува четири отсто.
Во врска со миграциското прашање, полскиот министер истакна дека оние кои пристигнуваат на полската граница не се мигранти, туку луѓе кои напаѓаат полицајци, војници и гранични службеници.
