Турскиот претседател Реџеп Таип Ердоган изјави дека силниот напредок на Анкара во одбрамбената индустрија ѝ овозможува да ги се спротистави на бруталните напади на Израел врз Палестинците, реферирајќи на минатите турски акции во Карабах и Либија .

Говорејќи во неговиот роден град во североисточната провинција Ризе во неделата, Ердоган го истакна напредокот на Туркије во одбранбената индустрија и изрази уверување за понатамошен напредок.

„Како што влеговме во Карабах, како што влеговме во Либија, можеме да им го направиме истото. Нема причина да не го направиме тоа. Само треба да бидеме силни за да можеме да ги преземеме овие чекори“, рече Ердоган.

Ердоган, исто така, повтори дека Туркије ги прекина сите свои трговски и дипломатски врски со Тел Авив како одговор на злосторствата на Израел во Газа.

Во врска со посетата на претседателот на Палестинската национална управа, Махмуд Абас на Туркије, Ердоган изјави дека Анкара го поканила, но Абас не можел позитивно да одговори на поканата.

„Следниот процес ќе го спроведеме соодветно“, додаде Ердоган.