По повод 101-годишнината од прогласувањето на Република Туркије од 28 до 31 октомври ќе се одржат „Денови на турскиот филм“, во киносалите Киноверзум (Кисела Вода) во Скопје и Штип, а влезот ќе биде бесплатен.

„Деновите на турскиот филм“ ќе се одржат под покровителство на Амбасадата на Туркије во Скопје, во организација на Советништвото за култура и промоција, а со поддршка на турското Министерството за култура и туризам.

Националниот празник Денот на Републиката во Туркије се одбележува на 29 октомври во знак на сеќавање на прогласувањето на Република Туркије во 1923 година.

Републиката ја прогласи војсководецот Мустафа Кемал Ататурк, кој потоа Големото народно собрание на земјата го избра за прв претседател на Република Туркије.

Оттогаш, Туркије го одбележува Денот на Републиката секоја година на 29 октомври.