Најмалку 27 лица загинаа, а 36 други се повредени во новиот бран израелски воздушни напади во јужен Либан во средата, јавуваат либанските медиуми.

Меѓу жртвите има и 15 лица, кои беа убиени во напад насочен кон станбена зграда во пограничниот град Сарафанд, објави државната новинска агенција ННА.

Меѓу убиените во нападот е и 6-месечно новороденче. Десет лица загинаа, а 36 се повредени во серија израелски воздушни напади во Харет Саида во Сидон во јужен Либан, изјави истиот извор. Во друг напад во јужниот град Гандурие загинаа две лица.

Пријавени се и неколку воздушни напади во Сафад ал Батик, Чакра, Чаитије, Мајдел Зун, Таир Харфа, Џебајн и Ханин, но сè уште нема информации за жртви.

Нападите се случија откако израелската армија издаде наредба за евакуација на жителите во Баалбек и блиските градови Дорис и Аин Бурдај во источен Либан. Илјадници луѓе го напуштија градот по израелската наредба за евакуација, соопшти NNA.

Израел започна масовна воздушна кампања во Либан минатиот месец против, како што тврди, цели на Хезболах во ескалација од едногодишната прекугранична војна меѓу Израел и групата од почетокот на израелската брутална офанзива врз Газа.

Над 2.700 луѓе се убиени, а речиси 12.500 се повредени во израелските напади од октомври минатата година, според либанските здравствени власти. Израел го прошири конфликтот на 1 октомври со започнување на упад во јужен Либан.