Фенербахче, Реал Сосиедад, Манчестер јунајтед остварија вредни победи во натпреварите од петтото коло на Лига на Европа.

Во едно од вечерните дерби натпревари, Реал Сосиедад го победи Ајакс со 2:0 и ја оствари втората победа, додека Ајакс го забележа првиот пораз.

Домашните поведоа во 67. минута со голот на Баренетсе, а Кубо во 85. минута ја обезбеди победата за баскискиот тим.

Сосиедад сега е 16-ти со седум бода, а Ајакс е на шестата позиција со 10 бодови.

Ајнтрахт победи со 1:2 на гостувањето во Данска кај Митјиланд.

Ларсон во 7. минута го доведе Ајнтрахт во водство, а домашните израмнија во 48. минута преку Гогорза. Девет минути подоцна германскиот тим стигна до нова предност. Диао играше со рака, судијата Паусон покажа на белата точка, а Мармосух погоди од пенал.

Со оваа победа Ајнтрахт се пласираше на третото место со 13 бодови, а Данците се на 20. позиција со седум бодови.

Бодови на гости освои и Унион Сен Жилоа совладувајќи го Твенте со 0:1. Тоа е прва победа на Белгијците, а втор пораз на Холанѓаните.

На гостински терен славеше и Фенербахче, кој ја совлада Славија Прага со 1:2.

Чори ги доведе Чесите во предност во седмата минута, а израмни Џеко во 35. минута. Победата на Фенер му ја донесе Несири во 85. минута.

Турскиот тим во моментов е 15-ти со осум бодови, а Славија е на 26. место со четири бода.

Брага го победи Хофенхајм со 3:0 и сега е на 18. позиција со седум бодови, додека Хофенхајм е на 25. место со пет бодови.

Манчестер Јунајтед со голема тешкотија го победи Бодо/Глимт со 3:2.

„Црвените ѓаволи“ поведоа уште во првата минута преку Гарнах, но Норвежаните возвратија со пресврт со головите на Евјен (19) и Цинкернагел (23).

Во последните моменти од првото полувреме израмни Хојлунд, а во 50. минута со вториот гол го врати Јунајтед во предност.

Манчестер сега е на 12 позиција со 9 бода по двете побеи и три нерешени резултати.

Тотенхем и Рома ремизираа 2:2. За Спарс погодија Сон (5-11м) и Џонсон (34), а кај гостите Ндик (20) и Хумелс (90+1). Англичаните сега се на 9. место со десет бодови, а Рома има 6 бода доволни за 21. позиција.

Лацио и Лудогорец играа без голови и со тоа бугарскиот тим ја прекинаа серијата од четири победи на римјаните.

Сепак, Лацио и натаму е прв на табелата со 13 бодови, додека Лудогорец го освои само вториот бод и се наоѓа на 34. место.

ПАОК ја победи РФС со 0:2 на гостувањето во Рига, забележувајќи ја првата победа за грчкиот тим, кој во моментов е на 25. место со четири бода.

Победа на гости оствари и Лион кој со 4:1 победи против Карабаг.

Бешикташ и Макаби Тел Авив играа на неутрален терен во Дебрецен, а Израелците победија со 3:1.

Бод во гости, пак, освои Галатасарај, кој одигра 1:1 со АЗ Алкмар. Мијнас во 2.минута ги доведе во водство домашните фудбалери, а Осимех во 42, минута им донесе бод на Турците.

Лацио, Атлетик Билбао и Ајнтрахт водат на табелата со по 13 бодови, додека Галатасарај и Андерлехт имаат по 11 бодови.

Динамо Киев се уште е на нула.