Рускиот претседател Владимир Путин во средата разговараше за перспективите на руско-сириската соработка во неговиот прв телефонски разговор со привремениот сириски претседател Ахмад ал Шара.

„Путин ја потврди подготвеноста на Русија да ѝ помогне на новата администрација во решавањето на социо-економските проблеми во Сирија, вклучително и обезбедувањето хуманитарна помош“, се вели во соопштението на Кремљ.

Двајцата лидери се согласија да одржуваат контакти.

Ал Шара пред една недела беше во официјална посета на Туркије и се сретна со претседателот Реџеп Таип Ердоган.

Ердоган ја нарече посетата на претседателот на сириската преодна Влада Ахмед ал-Шара на Анкара историски чекор кон почетокот на периодот на „трајно пријателство и соработка“ меѓу двете земји.

Башар ал Асад, лидер на Сирија речиси 25 години, побегна во Русија на 8. декември, ставајќи крај на повеќедецениското владеење на неговото семејство.

Сириската воена оперативна администрација на 29. јануари го назначи Ахмед ал Шара за преоден претседател на земјата.

Администрацијата, исто така, го овласти Ал Шара да формира привремен законодавен совет што ќе го надгледува раководењето додека не се донесе и имплементира постојан Устав.