Шеснаесетгодишен тинејџер избол до смрт две жени во продавница во Чешка, соопшти полицијата, додавајќи дека се уште не е познат неговиот мотив.

Осомничениот, кој е од чешка националност, бил уапсен неколку минути по нападот во продавница во трговски центар во близина на Храдец Кралове, град со околу 90.000 жители на околу сто километри источно од Прага.

„Двете жртви биле пренесени во болница, но лекарите не можеле да ги спасат“, соопшти полицијата на Х.

Засега не се познати мотивите за нападот.

Нападот се случил кога продавницата се отворила. Како што јавуваат чешките медиуми, напаѓачот нападнал продавачка која била зад шалтерот и друга вработена во продавницата која била во магацинот.

Осомничениот напаѓач е приведен десет минути по инцидентот на локација на помалку од еден километар од трговскиот центар, изјави портпаролот на полицијата, додавајќи дека во близина е пронајден нож со сечило долг околу 20 сантиметри.

Премиерот Петр Фиала изрази сочувство до семејствата на жртвите, критикувајќи го „неразбирливиот и страшен чин“.

Вакви напади се ретки во Чешка. Последниот се случи во 2023 година кога студент на Универзитетот во Прага со пушка уби 14 лица, а повреди 25.

Нападот се случи во чувствително време кога ваквите инциденти се вообичаени во Европа.

Во Австрија минатиот викенд сириски бегалец лојален на Исламската држава избоде до смрт 14-годишно момче и повреди уште пет лица.