Во главниот град на Нов Зеланд прогласена вонредна состојба по поплавите предизвикани од дожд

Во главниот град на Нов Зеланд, Велингтон, денес беше прогласена вонредна состојба откако поројните дождови предизвикаа силни поплави и лизгање на земјиштето, објавија државните медиуми.

Најмалку едно лице е исчезнато, според Радио Нов Зеланд.

Националната метеоролошка агенција ги зголеми своите предупредувања за пообилни дождови во Велингтон и регионот Ваирарапа на црвена боја до вторник вечерта.

Методорот на земјата, Метсервис, изјави дека прогнозираниот дожд претставува закана за животот од опасни услови на реките, значителни поплави и лизгања.

„Ги молиме луѓето да го сфатат ова сериозно, да ги следат советите за безбедност и да дејствуваат рано ако се наоѓаат во ниско поставени или подрачја склони кон поплави, кои се оние што доживеале повеќекратни поплави во последните години“, изјави Кери Мекензи, службеник на Управата за вонредни состојби на цивилната одбрана во Велингтон.

Власта ги предупреди жителите на Велингтон кои живеат во подрачја склони кон поплави да се преселат на побезбедни локации во следните 24 часа.

Исто така, ги охрабри луѓето да „дејствуваат брзо и да не чекаат официјални предупредувања доколку сметаат дека треба да се евакуираат“.