Кина лансираше осум сателити во орбитата со ракета-носач „Лиџијан-1“, објавија државните медиуми.

Ракетата полета од пилот-зона за комерцијални вселенски иновации во северозападна Кина и успешно ги распореди сателитите во нивната планирана орбита, објави државната новинска агенција „Синхуа њуз“.

Оваа мисија беше реализирана со 13-от лет од серијата ракети „Лиџијан-1“, едно од клучните кинески комерцијални лансирни возила.

„Лиџијан-1“ е развиен од „CAS Space“, компанија за комерцијални вселенски летови основана од Институтот за механика при Кинеската академија на науките.